आयल निगमले ग्यास कारोबारमा व्यहोर्दैआएको घाटा बढेको छ । ईण्डियन आयल कर्पोरेशन (आईओसी)ले १७ पुसमा पठाएको नयाँ मूल्य अनुसार निगमको प्रति सिलिण्डर घाटा १ हजार १४३ रुपैंया १ पैसा पुगेको छ । अघिल्लो महीना ग्यासमा निगमको  प्रति सिलिण्डर घाटा ७५५रुपैंया ३८ पैसा थियो ।

दुई हजार ६१३ रुपैंया १ पैसा परल मूल्य पर्ने ग्यास कम मूल्यमै उपभोक्तालाई बेच्नु परेपछि निगमलाई घाटा हुने गरेको हो । उपभोक्तालाई १ हजार ४७० रुपैंयामा ग्यास बेच्ने गरिएको छ ।

आईओसीको नयाँ मूल्य अनुसार निगमलाई जनवरी महीनामा ग्यासमा मात्र १ अर्ब ६० करोड २ लाख रुपैंया खेप्नुपर्नेछ । अघिल्लो महीया यो घाटा १ अर्ब ८५ करोड ५८ लाख रुपैंया थियो ।

यस्तै, निगमले डिजेलमा पनि घाटाको कारोबार गरिरहेको छ । निगमलाई डिजेलमा ६४ करोड १३ लाख रुपैंया मासिक घाटा रहेको निगमले जनाएको छ । डिजेलमा प्रति लिटर ९ रुपैंया ८७ पैसा घाटा छ ।

तर, निगमलाई पेट्रोल, मट्टितेल, हवाई इन्धनमा भने नाफा छ । निगमलाई पेट्रोलमा प्रति लिटर ४ रुपैंया २७ पैसा, मट्टितेलमा ४ रुपैंया १६ पैसा नाफा रहेको निगमको भनाई छ । नयाँ मूल्य अनुसार निगमको मासिक घाटा १ अर्ब ८५ करोड ५८ लाख रुपैंया पुगेको छ ।

प्रतिकृया दिनुहोस