खेलकुदशनिबार, पौष २७, २०७०
राष्ट्रिय महिला भलिवल शुरु, सिपोरा कमब्याक
पोखरा रंगशालामा २७ पुसमा भएको उद्घाटन खेलमा साविक विजेता पश्चिमाञ्चल विकास क्षेत्रले बिजयी सुरुआत गरेको छ । पश्चिमाञ्चले सुदुरपश्चिमाञ्चललाई २५–१२, २५–११, २५–७ को सोझो सेटमा पराजित गर्दै विजयी सुरुआत गरेको हो ।
अन्तराष्ट्रिय खेलाडी मन्जु गुरुङको कप्तानीमा मैदानमा उत्रिएको पश्चिमाञ्चलको टिममा सिपोरा गुरुङ पनि मैदानमा उत्रिदै छन । चोटका कारण करीब दुई बर्षपछि उनी पुनः खेलमा फर्किएकी हुन ।
अर्को खेलमा मध्यमाञ्चलले मध्यपश्चिमाञ्चल विकास क्षेत्रलाई २५–९, २५–१४, २५–१० को सोझो सेटमा पराजित गरेको हो । १७ औं राष्ट्रिय महिला भलिवलमा उपविजेता भएको मध्यमाञ्चलले यसपाली अन्तराष्ट्रिय खेलाडी रमिला तण्डुकारको कप्तानिमा टिम तयार पारेको हो ।
२८ पुसमा एपिएफ बिरुद्ध पुर्वाञ्चल विकास क्षेत्र र मध्य पश्चिमाञ्चलविरुद्ध नेपाल प्रहरी र पुर्वाञ्चलले सुदुरपश्चिमाञ्चलसंग प्रतिष्पर्धा गर्ने प्राविधिक संयोजक नारायण भण्डारीले जानकारी दिए ।
माधव बराल, पोखरा
प्रतिकृया दिनुहोस
ताजा अपडेट
हिमालखबर जनमत
