पोखरा रंगशालामा २८ पुसमा भएको खेलमा एपीएफले डिफेण्डिङ च्याम्पियन पश्चिमाञ्चल विकास क्षेत्रमाथि सोझो सेटमा जित हात पारेको हो । एपीएएफले २५–२० २५–२२, २५–११ को सेटमा पश्चिमाञ्चललाइ पराजित गरेको हो । दुई खेलको जितसँगै एपीएफ सेमिफाईनलमा पुगेको छ ।

घरेलु मैदानमा अन्तराष्ट्रिय खेलाडी मन्जु गुरुङको कप्तानीमा उत्रिएको पश्चिमाञ्चलको टीमका खेलाडीहरुको राम्रो तालमेल मिल्न नसक्दा एपीएफसंग पराजित हुनु परेको प्रशिक्षक कौशीला खत्रीले बताईन् । एपीएफका प्रशिक्षक कपिल श्रेष्ठले नियमित अभ्यास र मेहनतले सहज जित हासिल गरेको बताए ।

एीएफ राष्ट्रिय खेलाडी बिनिता बुढाथोकीको कप्तानीमा मैदानमा उत्रिएको थियो । २८ पुसको पहिलो खेलमा एपीएफले पुर्वाञ्चललाई २५–१३, २५–१६,२५–५ को सोझो सेटमा पराजित गरेको हो ।

दोस्रो खेलमा नेपाल पुलिस क्लवले मध्यपश्चिमाञ्चललाई २५–७, २५–४,२५–२० को सोझो सेटमा पराजित गरेको हो । तेस्रो खेलमा पुर्वाञ्चलले सुदुरपश्चिमाञ्चलमाथि ३–२ को सेटमा कठिन जित दर्ता ग¥यो । २८ पुसमा लिग चरणका ३ खेल हुदैछन् । विजेता टिमले ५० हजार, उपविजेताले ३० हजार नगद पाउनेछन् ।

प्रतिकृया दिनुहोस