राष्ट्रिय महिला क्रिकेटको उपाधि हात पारेपछि एपीएफका खेलाडीहरु । तस्वीरः क्यान

राजधानीस्थित कीर्तिपुर क्रिकेट मैदानमा एपीएफले क्षेत्र नं. ६ नेपालगञ्जलाई हराउँदै उपाधि जितेको हो । एपीएफले २९ पुसमा नेपालगञ्जलाई ११४ रनले हरायो ।

टस जितेर शुरुमा ब्याटिङ गरेको एपीएफले निर्धारित ४० ओभरमा ८ विकेट गुमाएर १८७ रन बनाएको थियो । एपीएफका लागि सर्वाधिक सीता राना मगरले ५८ रन बनाइन् । नीरा राजोपाध्यायले २०, रुबिना क्षेत्री र रितु कनौजियाले १६–१६ रन जोडे ।

जबाफी ब्याटिङमा उत्रिएको नेपालगञ्जले ३४ ओभरमा ७३ रन मात्रै बनायो । नेपालगञ्जलाई सस्तैमा समेट्न एपीएफकी रुबिना क्षेत्रीले चार, सोनु खड्काले तीन र बिनु बुढा मगरले दुई विकेट लिए ।

जितसँगै एपीएफले ४५ हजार रुपैंया नगद र उपविजेता नेपालगञ्जले ३० हजार रुपैंया हात पारेका छन् । प्रतियोगिताको उत्कृष्ट खेलाडी हुँदै नेपालगञ्जकी नेरी थापाले १० हजार रुपैंया पुरस्कार पाइन् । उत्कृष्ट ब्याट्सवुमन पनि नेरी नै भइन् । उत्कृष्ट बलर नेपालगञ्जकी तृष्णा सिंह भइन् भने उदीयमान खेलाडी एपीएफकी ज्योति पाण्डे घोषित भइन् ।

प्रतिकृया दिनुहोस