समाचारबुधबार, साउन १७, २०६९
युनिटी लाइफका अध्यक्ष काशी गुरुङ पक्राउ
प्रहरीको मोस्टवान्टेड सूचिमा रहेका गुरुङलाई भारतबाट पक्राउ गरिएको प्रहरी स्रोतले हिमालखबरलाई जानकारी दिए । उनलाई आजै प्रहरीले पत्रकार सम्मेलनमार्फत सार्वजनिक गर्ने भएको छ । गूरुङसँगै मोस्टवान्टेडको सूचिमा रहेका विष्णबहादुर क्षेत्री, कृष्णबहादुर क्षेत्री, महेन्द्र केसी भने अझै फरार छन् ।
प्रहरी मोस्ट वान्टेडको सूचिमा राखेपछि अभियुक्त गुरुङले हतियार उठाउने धम्की दिँदै आएको थियो । उनीले स्याङ्जा जिल्लाबाट नागरिकता लिएका छन् ।
युनिटी लाइफविरुद्ध राजस्व छलि, सम्पत्ति शुद्धिकरण, विदेशी विनिमय अपचलन, राज्यविरुद्धको अपराध, ब्याकिङ कसुरलगायतका चार दर्जन अपराधमा मुद्दा चलिरहेको छ । फरार मुख्या अभियुक्त पक्राउ परेपछि छानविन प्रक्रिया अगाडि बढाउन मद्दत पुग्ने विश्वास गरिएको छ ।
१ बैशाख २०६७ मा हिमालखबर पत्रिकाले युनिटी लाइफको गैर-कानुनी धन्दाको पर्दाफास गरेको एक महिनामा सरकारले युनिटीको कार्यालयमा छापा मारेको थियो ।