म्याग्नेसाइटबाट क्यालर्सान उत्पादनको काम हुदै । तस्वीरः सर्मिला बुढाथोकी

ओरियण्ट म्याग्नेसाइट उद्योगले ६ महीनाभित्रमा पूर्ण रुपमा उद्योग संचालन गर्ने जनाएको छ । उद्योगका कार्यकारी निर्देशक दिनेशराज भट्टराईले ६ महीनाभित्र उद्योग संचालन गर्ने गरी तयारी भइरहेको जानकारी दिए ।

उनले भने, “उद्योग सञ्चालनको लागि हामीले असार–साउनभित्रमा आन्तरिक तयारीको काम पूरा गर्छौं, हिउँद लागेसँगै काम शुरु हुन्छ ।”

उद्योगमा अहिले परीक्षणको रुपमा म्याग्नेसाइटबाट क्यालसाइन बनाउने काम भइरहेको छ । दोलखाको लाकुरीडाँडा–८ मा रहेको खरीढुंगा उद्योग २०५५ सालदेखि बन्द थियो ।

उद्योगमा सरकारको ७५ प्रतिशत, खेतान समूहको १२ दशमलव ५ प्रतिशत र भारतीय कम्पनी उडिसा ईन्डस्ट्रिजको १२ दशमलव ५ प्रतिशत लगानी रहेको छ ।
सर्मिला बुढाथोकी, दोलखा

प्रतिकृया दिनुहोस