वीरगञ्ज घुम्ने योजनामा हुनुहुन्छ ? यदि वीरगञ्ज जाँदै हुनुहुन्छ भने आफूलाई चिनाउने परिचयपत्र पनि साथमै लैजान नबिर्सनु होला । किनभने जिल्ला प्रशासन कार्यालय पर्साले वीरगञ्जका होटलमा बस्ने ग्राहकको फोटो सहितको परिचयपत्र अनिवार्य गरेको छ ।

कार्यालयले होटलमा आउने ग्राहकको परिचयपत्र अनिवार्य रुपमा राख्न साथै होटलमा अनिवार्य रुपमा सीसीटीभी जडान गर्न पनि भनेको छ ।

कार्यालयले जारी गरेको निर्देशनमा होटलहरुले ग्राहकलाई तस्वीरसहितको परिचयपत्र र होटल तथा लजको रिसेप्सनमा सीसीटीभी जडान गर्नुपर्ने उल्लेख छ ।

वीरगञ्ज र आसपासमा भइरहेका हत्या, हिंसाका घटनामा संलग्न अपराधीहरु स्थानीइ होटलमै बस्ने गरेकोले यस्तो व्यवस्था गरिएको प्रशासन कार्यालयले जनाएको छ ।

पर्साका प्रहरी उपरीक्षक धिरजप्रताप सिंहले वीरगञ्जमा संचालित होटल तथा लजलाई ग्राहकको परिचयपत्र र तस्वीर अनिवार्य गर्न भनिएको बताए ।

बिम्मी शर्मा, वीरगञ्ज

प्रतिकृया दिनुहोस