शीर्षस्थानमा रहेको मनाङलाई पराजित गरेपछि थ्रीस्टारका खेलाडीहरू । तस्वीरः गोल नेपाल

दशरथ रंगशालामा २५ माघमा थ्रीस्टारले मनाङलाई १–०  ले स्तब्ध पारेर महत्वपूर्ण तीन अंक हात पारेको हो । योगेश गुरुङले खेलकोे ७६ औं मिनेटमा गरेको गोल मद्दतले साविक विजेता थ्रीस्टारले उपाधि जित्ने संभावना कायम राखेको हो । यो जितसँगै थ्रीस्टार २४ अंक सहित दोस्रो स्थानमा उक्लिएको छ । २६ अंक जोडेको मनाङ शीर्ष स्थानमा छ ।

मनाङको पराजयसँगै अन्य टीमको पनि उपाधि जित्ने संभावना कायमै छ । तेस्रो र चौथो स्थानको नेपाल प्रहरी क्लब र सिएमजि संकटाको समान २२ अंक छ ।  मच्छिन्द्र र एपिएफले पनि सुपर सिक्समा स्थान बनाएका छन् ।

ए डिभिजनका अन्य क्लबहरू हिमालयन शेर्पा, सरस्वती, त्रिभुवन आर्मी, जाउलाखेल युथ क्लब र फ्रेण्ड्स क्लब सुपर सिक्सबाट बाहिरिएका छन् । गत वर्ष ए डिभिजनमा बढुवा भएको ब्वाइज युनियन  र रानीपोखरी कर्नर टिम (आरसिटी) रेलिगेसनमा परेका छन् ।

लिग विजेताले रु. ७५ लाख पुरस्कार प्राप्त गर्नेछ ।

प्रतिकृया दिनुहोस