तस्वीरः गोपाल गडतौला

भारत तस्करी गर्न लागेको अवस्थामा अवैध सुपारी बरामद गरेको प्रहरीले जनाएको छ । २९ माघ साँझ बरामद गरिएको सुपारीको बजार मूल्य रु. ९ लाख ६६ हजार रहेको बताइएको छ ।

सुपारीसँगै प्रहरीले आठ वटा रिक्सा पनि बरामद गरेको छ । सिमाको दशगजाबाट बरामद सुपारी र रिक्सा काँकडभिट्टास्थित मेची भन्सार कार्यालयमा बुझाएको इलाका प्रहरी कार्यालय काँकडभिट्टाले जनाएको छ ।

भारतमा सुपारी लगायत कृषी उत्पादन आयातमा चर्काे भन्सारदर भएकोले व्यापारीले बन्द कन्टेनरमा इण्डोनेशिया, थाइल्याण्ड लगायतका मुलुकबाट सुपारी नेपाल भित्र्याई तस्करीको माध्यमबाट भारत लैजाने गरेका छन् । भारतमा गुट्खा, पान आदिमा सुपारीको अत्यधिक प्रयोग हुने गर्छ ।

गोपाल गडतौला, हिमालखबर

प्रतिकृया दिनुहोस