सिँहदरबारस्थित भौतिक योजना निर्माण तथा यातायात व्यवस्था मन्त्रालयमा २७ साउनमा भएको वार्तामा दुई पक्षबीच सहमति कायम भएपछि व्यावसायीहरु सवारी साधन चलाउन राजी भएका हुन । सरकारसँग विगतमा भएका सहमति कार्यान्वयन गर्ने, छुट्टै यातायात मन्त्रालय गठन गर्न र ट्राफिक प्रहरीलाई प्रत्यायोजन गरिएको अधिकारको विषयमा अध्ययन गर्न छुट्टै कार्यदल बनाउने सहमति भएपछि आफूहरुले आन्दोलनका कार्यक्रम फिर्ता लिएको नेपाल यातायात व्यावसायी राष्ट्रिय महासंघका महासचिव डोलराज खनालले जानकारी दिए ।

महासचिव खनालका अनुसार यातायात व्यवसायलाई उद्योगका रुपमा स्थापित गर्ने, सुरक्षित यातायात व्यवस्था प्रत्याभूत गर्ने र बीमाको व्यवस्था गर्ने लगायतका १५ बुँदे मागप्रति सरकार सकारात्मक भएको छ । यातायात व्यवसायीको बन्दका कारण सर्वसाधारणले २६ र २७ साउनमा सास्ती खेपेका थिए ।

प्रतिकृया दिनुहोस