नेपाल राष्ट्र बैंकले आर्थिक वर्षको पहिलो ६ महीनामा खाद्य तथा पेय पदार्थमा १२.९ प्रतिशतले मूल्यवृद्धि भएको जनाएको छ । राष्ट्र बैंककले ६ फागुनमा देशको आर्थिक स्थिति सार्वजनिक गर्दै ६ महीनाको अवधिमा तरकारी र फलफूल, मासु तथा माछा, सुर्तिजन्य पदार्थ र मदिराजन्य पदार्थमा १२.९ प्रतिशतले मूल्यवृद्धि भएको जनाएको हो ।

फाइल तस्वीर

राष्ट्र बैंकको तथ्यांक अनुसार मासु तथा माछामा २४.५ प्रतिशत, तरकारीमा १९, फलफूलमा १४.५, सुर्तिजन्य पदार्थमा २५.३ र मदिराजन्य पदार्थमा २४.५ प्रतिशत मूल्यवृद्धि भएको छ ।

पहिलो ६ महीनामा उपभोक्ता मूल्यवृद्धि दर ९.७ प्रतिशत रहेको राष्ट्र बैंककले जनाएको छ । गत वर्ष पनि पहिलो ६ महीनामा ९.८ प्रतिशत उपभोक्ता मूल्यवृद्धि दर रहेको थियो ।

गैर–खाद्य वस्तुको मूल्य भने ६.९ प्रतिशतले बढेको छ । यस वर्ष थोक मूल्य ९ प्रतिशतले बढेको छ । कृषिजन्य वस्तुको मूल्य ११.९ प्रतिशतले बढेको र आयातित वस्तुको मूल्य ८.३ प्रतिशतले बढेको राष्ट्र बैंककले जनाएको छ ।

प्रतिकृया दिनुहोस