अमेरिकी म्यागेजिन फोर्ब्सले निकालेको अर्बपतिको सूचीमा उद्योगपति चौधरी यो वर्ष पनि परेका हुन् । सन् २०१४ को सूचीमा उनी गतवर्षभन्दा केही तल देखिएका छन् ।

गतवर्ष उनी १३ सय ४२ औं स्थानमा थिए । गतवर्ष १ अर्ब डलर बराबरको उनको सम्पत्ति एकवर्षमा बढेर १ अर्ब १० डलर पुगेको फोर्ब्सले जनाएको छ ।

फोर्ब्सले गतवर्ष ‘नोटेबल न्यूकमर’ का रुपमा चौधरी र उनको परिवालाई आफ्नो सूचीमा राखेको थियो । नबिल बैंक, वाइवाइ चाउचाउलगायतमा स्वामत्वि रहेका उनको एसियाका विभिन्न देशमा होटल बिस्तारलाई तीब्रता दिएको फोर्ब्सले उल्लेख गरेको छ ।

फोर्ब्समा प्रकाशित रिपोर्टमा उनले अफ्रिकास्थित युगान्डाको मुक्वानो समूहसँग मिलेर युगान्डा, रुवान्डा र बुरुन्डीमा होटल निर्माण अघि बढाएको उल्लेख छ । चौधरी ग्रुपभित्र झन्डै ४० कम्पनी छन् । उनको समूहले टेलिकम क्षेत्रमा पनि हात हालेको फोर्ब्सले जनाएको छ । उनले गतवर्ष एसटीएस टेलिकम सञ्चार कम्पनी किनेका थिए ।

पारिवारिक कपडा व्यापारबाट व्यवसाय शुरु गरेका चौधरीलाई अहिले उनका तीन छोराहरुले साथ दिइरहेको पनि पत्रिकाले लेखेको छ । चौधरी समूह एलजीको नेपालका लागि आधिकारिक बिक्रेता पनि हो ।

प्रतिकृया दिनुहोस