बंगलादेशमा जारी टी–२० विश्वकपमा रनरेटको आधारमा नेदरल्याण्डस् सुपरटेन चरणमा प्रवेश पाएको छ । टेष्ट क्रिकेट मान्यता पाएको जिम्बाबेलाई ०.१५२ रनरेटले पछि पार्दे नेदरल्याण्डस् सुपरटेन चरणमा पुगेको हो ।

समूह ‘बी’मा रहेको नेदरल्याण्डस्ले समूह चरणमा दुई खेल जित्दै रनरेट १.१०९ बनाएको थियो । तर, दुई खेल नै जितेको जिम्बाबेको रनरेट ०.९५७ मात्र रहयो ।

समूह चरणमा दुई खेल नै जितेको समूह ‘बी’को आयरल्याण्डले भने रनरेट –०.७०१ बनायो ।

तस्वीरः आईसीसी

नेपाल रहेकै समूह ‘ए’बाट भने बंगलादेश सुपरटेनमा पुगिसकेको छ । नेपाललाई रनरेटले नै पछि पार्दै बंगलादेशले सुपरटेनमा पुग्ने मौका पाएको हो ।

प्रतिकृया दिनुहोस