समाचारशनिबार, भाद्र ९, २०६९

इङ्लिश प्रिमियर लिगको पहिलो साता

Sandesh Panta

लिभरपुलका नयाँ व्यवस्थापक ब्रेन्डन रोजर्सले प्रथम खेलमै वेस्ट ब्रोमसंग ३-० को नमिठो पराजय भोगेपछी घरेलु दर्शक सामु पहिलो जित दर्ता गर्ने दाउमा छन् । तर लिभरपुलका अगाडि साविक विजेता तथा सशक्त दावेदार म्यान्चेस्टर सिटी छ । पहिलो खेलमा साउथम्प्टनलाई ३-२ ले हराएर विजयी शुरुवात गरेको सिटीका महत्त्वपुर्ण खेलाडी सर्जियो अग्वेरो भने चोटका कारण अनुपस्थित रहनेछन् ।

सिटीको छिमेकी प्रतीद्वन्द्वी म्यान्चेस्टर युनाइटेडको सिजनको शुरुवात भने सोचे विपरीत हुन पुग्यो, जब उसले गत सोमबार एभरटनसँग  १-० ले पराजित भयो । सो खेलमा प्रथम एघारमा नपरेका रोबिन भान पर्सी फुल्हम बिरुद्धको खेलमा भने सुरुदेखि नै खेल्न पाउने सभावाना छ । पहिलो खेलमा अंक गुमाए पनि उपाधिको दावेदार युनाइटेडले यस खेलमा भने जित्ने विश्वास गरिएको छ ।

भान पर्सीको पुर्वक्लब आर्सनलले आइतबार फिजीकल्ली बलियो स्टोक सिटी विरुद्ध खेल्ने छन् । पहिलो खेलमा सन्डरल्यान्डसंग गोलरहित बराबरी खेलेको आर्सनल भान पर्सी र एलेक्स सङ बिना केहि कमजोर देखिन्छ तर सान्टी कथोला, लुकास पोडोल्स्की र ओलिभर जिरुका रुपमा आर्सेन वेङ्गरले नयाँ हतियारहरु भित्र्याएका छन् । २०१० मा स्टोककै मैदानमा रायन शक्रसको ट्याकलले आरोन राम्सीको खुट्टा भाँचिएको घटना आर्सनलका समर्थकहरुले अझै पनि बिर्सन सकेका छैनन् ।

उपाधिको अर्को दावेदार चेल्सीले यस सिजनको शुरुवात उत्कृष्ट ढङ्गबाट गरेको छ । पहिलो खेलमा विगनलाई २-० ले हराएको उसले बुधवार रेडिङ्गलाई ४-२ ले परास्त गरेको थियो । नयाँ खेलाडी इडेन आजर राम्रो लयमा देखिन्छन् भने फर्नान्डो टोरेसले पनि गोलको खाता खोलिसकेका छन् । अघिल्लो सिजन छैटौं भएको रोबर्टो डि मटेओको टोलीले आफ्नो घरेलु मैदानमा न्युकासल युनाइटेडको सामना गर्नेछ । यसपटक हेर्न लायक टोलीको रुपमा रहेको न्युकासलले पहिलो खेल मा टट्न्हम लाई २-१ ले हराएको थियो । डेम्बा सिसे, डेम्बा बा र हटिम बेन आर्फाको आक्रमक पङक्ति माथि उसले ठुलो भरोसा गरेको छ ।

९ भदौ
स्वान्सी – वेस्ट ह्याम युनाइटेड (साँझ ५:३०)
एस्टन भिल्ला – एभर्टन (बेलुकी ७ :४५)
म्यान युनाइटेड – फुल्हम (बेलुकी ७ :४५)
नर्विच सिटी– क्यु. पी. आर (बेलुकी ७ :४५)
सन्डर्ल्यान्ड – रेडिङ्ग (बेलुकी ७ :४५)
साउथम्प्टन – विगन (बेलुकी ७ :४५)
टट्न्हम – वेस्ट ब्रोम (बेलुकी ७ :४५)
चेल्सी – न्यु कासल (राति १०:१५)

१० भदौ
स्टोक सिटी – आर्सनल (साँझ ६:१५)
लिभरपुल – म्यान सिटी (बेलुकी ८:४५)

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>