एपिएफद्वारा १४ चैतमा काठमाडौंमा आयोजित कार्यक्रममा सशस्त्र प्रहरी महानिरीक्षक कोषराज वन्तले नेपाली क्रिकेट टोलीका खेलाडीहरुलाई सम्मान स्वरुप ट्र्याकसुट प्रदान गरेका छन् ।

त्यस अवसरमा महानिरीक्षक वन्तले पहिलोपटकको सहभागितामा नै नेपाली क्रिकेट टिमले उत्कृष्ट खेल प्रदर्शन गरेको भन्दै यस सफलताले आम नेपालीले गौरवको अनुभूति गरेको बताए ।

उनले क्रिकेट खेल र खेलाडीको विकासका लागि आफ्नोतर्फबाट सक्दो सहयोग गर्ने प्रतिबद्धता व्यक्त गर्दै आम नेपाली एकजुट भई अगाडि बढेमा जस्तोसुकै चुनौतीको पनि सामना गर्न सकिने धारणा व्यक्त गरे ।

राष्ट्रिय क्रिकेट टिमका कप्तान पारस खड्काले खेलकुद क्षेत्रको विकास र विस्तारका लागि एपिएफको भूमिका महत्वपूर्ण भएको बताए ।

बङ्गलादेशमा २ चैतेदेखि सञ्चालन भएको टी–२० विश्वकप क्रिकेट प्रतियोगिताको छनोट चरणमा तीन खेल खेलेको नेपालले दुई खेलमा जित तथा एक खेलमा हार बेहोरेको थियो ।

प्रतिकृया दिनुहोस