जाजरकोटको लिप्सामा एक्जाम्टेड तर्फको एसएलसी परीक्षामा १४ चैतमा सहभागी २० वर्षीया छात्रा शर्मिला नेपालीले वीरेन्द्र ऐश्वर्य उच्च मावि केन्द्रमा छोरी जन्माएकी छन् ।

बिहान परीक्षा शुरु हुने बेलामा शर्मिलाले छोरी जन्माएको र उनले सहयोगीमार्फत अर्थशास्त्र विषयको परीक्षा पनि दिएको जिल्ला प्रहरी प्रमुख चक्रवहादुर सिंहले जानकारी दिए ।

यसअघि १२ चैतमा रुकुमको राप्ती ज्ञानोदय उच्चमावि सिम्ली परीक्षा केन्द्रबाट परीक्षामा सहभागी जनप्रिय मावि हाँसिवाङकी १८ वर्षीया टीका खड्काले परीक्षा चलिरहेकै बेला छोरी जन्माएकी थिइन् ।

सुत्केरी भएकी उनलाई थप समय उपलब्ध गराएर परीक्षा दिने व्यवस्था गरिएको थियो ।

प्रतिकृया दिनुहोस