थप समाचारशुक्रबार, चैत्र १४, २०७०
खोज पत्रकारिता पुरस्कार ४ जनालाई
बेलायती दुतावासको सहयोगमा खोजपत्रकारिता केन्द्र र वेलायतस्थित थम्सन फउण्डेसनले संयुक्त रुपमा प्रदान गर्ने ‘कम्पिटेटिभि क्याम्पेन फर इन्भेस्टिगेटिभ रिपोर्टिङ’ पुरस्कार हिमाल खबर पत्रिकाका रामेश्वर बोहरा, उज्यालो एफएमका गोपाल गड्तौला, नागरिक दैनिकका सुबोध गौतम र अन्नपुर्ण पोस्ट दैनिकका सुर्य पाण्डेले पाएका छन् ।
नेपालस्थित बेलायती दुतावासमा १४ चैतमा आयोजित कार्यक्रममा नेपालका लागि बेलायती राजदूत एन्डी स्पार्कले ‘सञ्चारमाध्यमको सबैभन्दा महत्त्वपूर्ण जिम्मेवारी सरकारलाई जबाफदेही बनाएर जनतालाई सुसूचित गर्नु भएको बताए ।
पुरस्कृत पत्रकारहरुले आगामी जुलाई महिनामा बेलायतमा खोज पत्रकारिताको ‘समर कोर्स’ मा सहभागी हुनुका साथै बेलायती मिडियामा अनुभव साटासाट गर्नेछन् ।
खोज र चुनाव रिपोर्टिङ सम्बन्धी समाचार लेख्ने पत्रकारहरूमध्येबाट उत्कृष्ट ठहर भएका चार जना पुरस्कृत भएका हुन् ।