अभिनेता संतोष परदेशी

नेपाल प्रहरीका एसएसपी रमेश खरेल वीरगञ्जमा एसपी छँदा उनीबाट प्रभावित भएर भोजपुरी फिल्म ‘एसपी खरेल, द रियल हिरो’ निर्माण भएको थियो । फिल्मले तराईका फिल्महल र सीमावर्ती भारतीय शहरहरुमा पनि राम्रो व्यवसाय गरेको थियो । फिल्मको सफलतापछि अहिले अभिनेता संतोष परदेशी एक्सन फिल्म निर्माताहरुको पहिलो रोजाईमा परेका छन् ।

परदेशीकै लिड रोल भएको भोजपुरी फिल्म ‘जब प्यार किया तो डरना क्या’ केही दिनअघि बाराको गढिमाई मन्दिरमा शुभमहुर्त सम्पन्न भएको छ ।

कुमारीमाई मुभिज वीरगञ्जले एक करोड रुपैयाँको लगानीमा निर्माण गर्न लागेको उक्त फिल्ममा एचआईभी संक्रमितहरुको विषयमा आधारित छ ।

सात बर्षअघि फिल्मी दुनियाँमा प्रवेश गरेका परदेसीले ‘एसपी खरेल, द रियल हिरो’ हिट भएपछि आफ्नो माग बढेको बताए ।
श्याम गुप्ता, बारा

प्रतिकृया दिनुहोस