पशुपन्छीको दाना उत्पादन गर्ने प्रो बायोटेक उद्योगमा कार्यरत २७ जना मजदुरहरुले आफूहरुले २४० दिनभन्दा पहिलेदेखि नै काम शुरु गरेको भए पनि व्यवस्थापनले नियक्ति पत्र नदिएको र दैनिक ज्यालादारीमा खटाइ रहेको भन्दै हडताल र धर्ना गरेका छन् ।

उनीहरुले गत १३ चैतमा आन्दोलन शुरु गरेपछि उद्योग व्यवस्थापनले वार्तामा बोलाएर माग पूरा गर्ने आश्वासन दिएपनि अहिलेसम्म कुनै सुनुवाई नभएको मजदुरहरुले बताएका छन् ।

दैनिक ज्यालावापत आफूहरुले आठ घण्टाको ३१८ रुपैयाँ र ओभरटाईम गरेवापत प्रति घण्टा ५९ रुपैयां भत्ता पाउनुपर्ने भएपनि ओभरटाइम गरेर जम्मा ४०० रुपैयाँ दैनिक पाइरहेको गुनासो गरेका छन् ।

तर, उद्योगको व्यवस्थापनले आन्दोलनरत मजदुरहरुको माग जायज नभएको बताएको छ ।

ब्यवस्थापनका अनुसार हड्तालमा उत्रिएका मजदुरहरु ठेकेदारमार्फत् ज्यालादारीमा काम गर्दै आएकाले उनीहरुलाई उद्योगले स्थायी नियुक्ति दिन नसक्ने जनाएको छ ।
बिम्मी शर्मा, वीरगञ्ज

प्रतिकृया दिनुहोस