२७ चैतमा काठमाडौंको नक्सालस्थित होटेलमा पत्रकारसम्मेलन गर्दै नेपाली क्रिकेट टोलीका कप्तान पारस खड्काले आफ्ना मागहरु पूरा नभएसम्म जारी राष्ट्रिय प्रतियोगितासमेत नखेल्ने बताएका छन् ।

जारी राष्ट्रिय प्रतियोगिता खेल्न राष्ट्रिय टोलीका कुनै पनि खेलाडी पोखरा गएका छैनन् । अधिकांश खेलाडी नेपाली सेना र सशस्त्र प्रहरीको टिममा आवद्ध भएका उनीहरु विभागले कार्वाही गरे पनि आफूहरु तयार रहेको बताए ।

कप्तान खड्काले क्यानमा नेतृत्व र पदाधिकारी परिवर्तन नहुन्जेलसम्म कुनै पनि राष्ट्रिय र अन्तर्राष्ट्रिय प्रतियोगिता नखेल्ने बताए ।

उनले भने, “माग पूरा नहुने हो भने एसीसी प्रिमियर लिग पनि खेल्दैनौं ।” पत्रकार सम्मेलनमा राष्ट्रिय क्रिकेट टिमका सबै खेलाडी सहभागी थिए ।

खेलाडीहरुले पछिल्ला ३ प्रतियोगितामा सहभागी भए वापत पाउनुपर्ने भत्ता र ८ महिनादेखि तलब नपाएको गुनासो गरे ।

एसिसि प्रिमियर लिग शुरु हुनु अघि राष्ट्रिय प्रतियोगिताको मुख्य खेल पोखरामा सारिएको प्रति पनि उनीहरुले असन्तुष्टि व्यक्त गरेका छन् ।

प्रतिकृया दिनुहोस