धावक पण्डितलाई राजधानीस्थित गोल्डेनगेट कलेजले १० बैशाखमा सम्मान गरेको हो । सगरमाथा आरोही तथा शिखर आरोहण धावक पण्डित रु.१ लाख पुरस्कारसहित सम्मानित भएका हुन् ।

राजधानीमा आयोजित कार्यक्रममा मन्तव्य व्यक्त गर्दै शिखर आरोहण धावक सञ्जय पण्डित । तस्वीरः दीपेन्द्र सापकोटा

दशरथ रंगशालामा आयोजित कार्यक्रममा उपप्रधान तथा गृहमन्त्री वामदेव गौतमले उनलाई पुरस्कार प्रदान गरे । पच्चिस वर्षीय पण्डितले गत मार्चमा अफ्रिकाको सर्वोच्च शिखर क्लिमान्जारोको ६ घण्टा १३ मिनेटमा आरोहण गरी तीब्र गतिका धावक बनेका थिए ।

दक्षिण एसियाकै तीब्र धावक उनले सर्वोच्च शिखर सगरमाथा, मनास्लु, आइल्याण्ड पिक, नागार्जुन हिमाल, छुकुंग्री पिक, लार्के पिक लगायतका हिमाल आरोहण गरेका छन् ।

अहिलेसम्म २ हजार ४७५ किलोमिटर दूरी दौडेर उनले नेपाली अल्ट्रा धावकका रुपमा किर्तिमान बनाएका छन् । विश्वका ७ वटै महादेशका सर्वाधिक उच्च शिखरको आरोहण अभियान ‘सेभेन समिट’मा लागेका उनी रुसको माउन्ट एल्प्सको आरोहणको तयारीमा छन् ।

दीपेन्द्र सापकोटा, काठमाडौं

प्रतिकृया दिनुहोस