धावक केसीलाई सदावहार खेलकुद समाज र रिलायन्स एजुकेसन फाउन्डेसनले सम्मान गरेको हो । राजधानीमा १२ बैशाखमा आयोजित कार्यक्रममा उनलाई नेपाली कांग्रेसका वरिष्ठ नेता शेरबहादुर देउवाले दोसल्ला ओढाएर सम्मान गरे ।

सन् १९७३ मा फिलिपिन्सको राजधानी मनिलामा आयोजित ट्रयाक्क एन्ड फिल्ड प्रतियोगितामा उनले नेपालका लागि काँस्य पदक दिलाएका थिए । उनले २ घण्टा २६ मिनेटमामा म्याराथुन दौड पूरा गरेका थिए ।

उनी सन् १९७२ मा म्युनिख ओलम्पिकमा सहभागी भएका थिए । सन् १९८० मा बैंककमा भएको एसियाली खेलकुदमा सहभागी भएपछि भने उनले खेल जीवनबाट सन्यास लिएका थिए । उनले खेल जीवनमा तीन वटा एसियाली खेलकुद, एक ओलम्पिक र दुईटा एसियन ट्रयाक् एन्ड फिल्डमा सहभागीता जनाएका थिए ।

दीपेन्द्र सापकोटा, काठमाडौं

प्रतिकृया दिनुहोस