गैरआवासीय नेपाली संघ दुबईले मैदान बनाउन सहयोगका लागि कार्यक्रम गर्ने जनाएको छ । संघले राजधानीमा १९ बैशाखमा पत्रकार सम्मेलन गरेर १६ जेठमा दुबईस्थित मुसल्ला टावरमा कार्यक्रम गरिने जनाएको छ ।

कार्यक्रमलाई ‘सत्य–स्वरुप लाईभ इन दुबई’ नाम दिएको कार्यक्रम संयोजक युवराज घिमिरेले जानकारी दिए । उनले कार्यक्रमबाट उठेको रकम मुलपानी क्रिकेट मैदान निर्माणमा सहयोग गरिने बताए ।

कार्यक्रममा सत्यराज र स्वरुपराज आचार्यको प्रमुख प्रस्तुती रहने छ । उनीहरुसँगै रेखा घिमिरे, जुनी नेपाली, सुमन–उदयले पनि आफ्नो प्रस्तुति दिने घिमिरेले जानकारी दिए ।

पत्रकार सम्मेलनमा सत्यराज आचार्यले नेपाली क्रिकेटमा सहयोग पुगोस् भनेर कार्यक्रम गर्न लागिएको बताए ।

प्रतिकृया दिनुहोस