एशियाका उत्कृष्ट ६ एशोशिएट राष्ट्रहरु सहभागी भएको प्रतियोगितामा नेपालले तेस्रो स्थान हात पारेको छ भने आगामी डिसेम्बर महिनामा युएईमा हुने एसीसी च्याम्पियनिशिपका लागि पनि छनोट भएको छ ।

मलेशियामा ५ खेल खेलेको नेपालले मलेशिया, युएई र हङकङलाई फराकिलो अन्तरले हराएको थियो भने अफगानिस्तान र ओमानसँग भने हार ब्यहोर्नु पर्‍यो ।

एसीसी च्याम्पियनशिपमा नेपाल अफगानिस्तान, युएई र ओमानसँग भिड्ने छ ।

स्वदेश फर्केलगत्तै नेपाली टिमका कप्तान पारस खड्काले सोचेजस्तो परिणाम नआएपनि अन्तराष्ट्रिय खेलबाट पर्याप्त अनुभव हासिल गरेको बताए ।

थकित देखिएका प्रशिक्षक पुबुदु दासानायकेले भने कुनै प्रतिक्रिया दिन चाहेनन् ।
दीपेन्द्र सापकोटा, काठमाडौं

प्रतिकृया दिनुहोस