थप समाचारबिहीबार, बैशाख २५, २०७१
पत्नीमाथि आगो लगाउनेविरुद्ध मुद्दा दर्ता
बाँके प्रहरी प्रवक्ता प्रेम बस्नेतले पीडितका तर्फबाट उजुरी परेपछि छानबिन गरेर फरिद शेष विरुद्ध मुद्दा दर्ता भएको जानकारी दिएका छन् ।
पत्नीका माइती पक्षले प्रहरीमा उजुरी गरेपछि फरिद भारततिर भागेका छन् । घटनामा संलग्न भनिएका फरिदका बाबुआमा पनि भारत भागेकाले प्रहरीले कसैलाई पनि पक्राउ गर्न सकेको छैन ।
दाइजो नल्याएको भन्दै विवाद बढेपछि चैत ३ गते फरिदका परिवारले रिहानालाई आगो लगाएर दुई दिनसम्म घरभित्रै थुनेर राखेका थिए ।
त्यसपछि उपचारका लागि पति फरिदले नै भारतको बहराइच लगेका थिए । त्यहाँ सामान्य मल्हमपट्टी गरेर घर फर्काइएपछि रिहानाका माइतीले घटनाबारे थाहा पाएर उपचारका लागि भेरी अञ्चल अस्पताल ल्याएका थिए ।
घटना भएको समयमा गर्भवती रहेकी रिहाना उपचारकै क्रममा सुत्केरी भए पनिे नवजात शिशु बाँच्न सकेन ।
नेपालगञ्जमा उपचार सम्भव नभएपछि अस्पतालले उनलाई काठमाडौं रेफर गरेको थियो । हाल रिहानाको काठमाडौंमा उपचार भइरहेको छ ।
तुफान न्यौपाने, नेपालगञ्ज