काठमाडौं र भक्तपुरमा नयाँ फिल्मको शुटिंग सकेर दुई दिनअघि मात्र भारत फर्केका अक्षय कुमारले नेपालमा आफूले पाएको स्वागत र आफ्ना प्रशंसकहरुबाट निकै प्रभावित भएको उल्लेख गरेका छन् ।

४६ वर्षीय अक्षयले आफू नेपालमा रहँदाका तस्वीरहरु पनि सार्वजनिक गरेका छन् । उनले हायात होटेलबाट खिचेको बौद्ध स्तुपाको फोटो अपलोड गरी ट्वीटरमा लेखेका छन् , “नेपालमा अद्भुत स्वागत । मेरो कोठाबाट देखिएको दृष्य, विश्वको सबैभन्दा सुन्दर पवित्रस्थल ।”

उनले ट्वीट गरेका छन्, “एउटा अभिनेताले चाहेको जस्तै उत्साही भीड़ । खै किन मैले नेपाल जान २० वर्ष लगाएछु । तपाइँहरुको प्रेम निकै राम्रो लागिरहेको छ ।

केही दिनअघि फिल्म ‘बेबी’को शुटिंगका लागि नेपाल आएका अक्षयले काठमाडौंको ठमेल र भक्तपुरमा शुटिंगका क्रममा प्रशंसकहरुको भव्य स्वागत पाएका थिए ।

प्रतिकृया दिनुहोस