चितवनका पुस्तक पसलेसमेतले पेट्रोलको कालोबजारीमा संलग्न भएको पाइएको हो । पुस्तक पसल र किनारा पसलेबाटै पेट्रोलको कालोबजारी हुने गरेको पाइएपछि कडा अनुगमन थालेको जिल्ला प्रहरी कार्यालय चितवनका प्रहरी निरीक्षक जीवलाल चुँदालीले जानकारी दिए ।

अनुगमनको क्रममा चितवन माडी, अयोध्यापुरीको ब्रदर्स पुस्तक पसलले पेट्रोल बिक्री गरिरहेको पाइएको छ । भरतपुरको कौशल किराना पसल, मदिरा पसलले पनि पेट्रोल बिक्री गर्ने गरेको पाइएको चुँदालीले जानकारी दिए ।

उनीहरुले चर्को मूल्यमा बोतलमा राखेर पेट्रोल बिक्री गरेको पाइएकोले कालोबजारी तथा सामाजिक अपराध ऐन अनुसार मुद्दा अघि बढाएको प्रहरीको भनाइ छ ।

प्रहरीले पेट्रोलमा कालोबजारी गरेर बिक्री गर्ने ६ जनालाई पक्राउ गरेको छ । उनीहरुबाट बेच्न राखिएको पेट्रोल पनि प्रहरीले बरामद गरेको छ ।

रासस

प्रतिकृया दिनुहोस