स्थानीय युवाकै सक्रियतामा भवानीपुर जीतपुर गाविस–५ स्थित पाडाबजारमा रङ्गशाला निर्माण भइरहेको हो । पाडाबजारमा रहेको १२ बिगाहा क्षेत्रफलमा रङ्गशाला निर्माण गरिरहेको जीतपुर युवा क्लबका मनोजकुमार साहले जानकारी दिए ।

अहिले रङ्गशाला स्थल सम्याउने काम भइरहेको छ । स्थानीयले गौचरणको रुपमा प्रयोग गर्दै आएको स्थानमा रङ्गशाला निर्माण गरिरहेको साहले बताए । निर्माणाधीन मैदानै अहिले स्थानीयले क्रिकेट, फूटबल खेल्दै आइरहेका छन् ।

निर्माणाधीन रङ्गशालामा क्रिकेट खेल्दै स्थानीय युवा । तस्वीरः श्याम गुप्ता

क्लबले सो मैदानमा यसअघि पनि फूटबल तथा क्रिकेट प्रतियोगिता संचालन गर्दै आएको थियो । साहले व्यवस्थित र स्तरीय प्रतियोगिता संचालन गर्न रङ्गशाला निर्माण गरिरहेको बताए ।

रङ्गशाला निर्माणका लागि क्लबले आफ्नै सक्रियता र स्थानीयसँग चन्दा संकलन गर्ने गरेको छ । क्लबले रङ्गशाला पूरा गर्न सहयोगका लागि सबैसँग आग्रह समेत गरेको छ ।

श्याम गुप्ता, बारा

प्रतिकृया दिनुहोस