बच्चु विक, धनगढी

एनपीएल शुरु हुन दुई दिन बाँकी छँदा प्रतियोगिताको सबै तयारी पूरा भएको हो । धनगढीमा २९ बैशाखमा आयोजित पत्रकार सम्मेलनमा जोहोरा स्पोर्टस म्यानेजमेन्टका कार्यकारी निर्देशक आमिर अख्तरले प्रतियोगिताका लागि आवश्यक सबै तयारी पूरा भएको जानकारी दिए ।

उनले दुवै मैदान तथा पिचहरु तयार भइसकेको बताए । उनले भने, “हामी उदघाटन समारोहलाई भव्य बनाउने तर्फ सम्पूर्ण ध्यान केन्द्रित गरेका छौं ।”

धनगढीमा २९ बैशाखमा पत्रकार सम्मेलन गरेर एनपीएल बारे जानकारी दिँदै आयोजक । तस्वीरः बच्चु विक

प्रतियोगितामा सहभागी हुन खेलाडी, प्रशिक्षक तथा अफिसियलहरु धनगढी आउने क्रम पनि जारी छ । खेलाडी तथा अफिसियललाई धनगढीमै आवासको व्यवस्था मिलाइएको छ ।

पत्रकार सम्मेलनमा किर्तीमानी तेक्वोन्दो खेलाडी दीपक विष्टले पहिलोपटक धनगढीमा आयोजना हुन लागेको एनपीएलले यस क्षेत्रको क्रिकेट विकास नौलो आयाम थपेको बताए । प्रतियोगिताको पूर्वसन्ध्यामा खेलाडीहरुको सम्मानका लागि धनगढीका भव्य मोटरसाईकल र्‍याली आयोजना हुँदैछ ।

प्रतिकृया दिनुहोस