बहुप्रतीक्षित एनपीएल क्रिकेट ३१ बैशाखदेखि शुरु भएको हो । प्रतियोगिताको राष्ट्रिय खेलकुद परिषदका सदस्य सचिव युवराज लामाले उदघाटन गरे ।

धनगढीको फाप्ला क्रिकेट मैदानमा धुमधामसँग प्रतियोगिता शुरु भयो । उदघाटन समारोहमा गायक सुगम पोखरेलले विभिन्न गीत प्रस्तुत गरे । कार्यक्रममा स्थानीय राना थारु संस्कृति पनि प्रस्तुति भए ।

जोहरा स्पोर्टस इन्टरनेशनलले नेपालमा पहिलोपल्ट आईपीएलकै शैलीमा आयोजना गरेको एनपीएल वान–डे प्रतियोगिता हो । प्रतियोगितामा कलर्स एक्स फ्याक्टर्स, तेज, विशाल ग्रुप वारियर्स, कान्तिपुर गोर्खाज, जगदम्बा जायन्टस र सगरमाथा लेजेन्ड्स गरी ६ टोली सहभागी छन् ।

नेपाल क्रिकेट संघ (क्यान)ले भने ३० बैशाखमा मात्र एनपीएलबाट हात झिकेको थियो ।

दीपेन्द्र सापकोटा, धनगढी

प्रतिकृया दिनुहोस