थप समाचारबुधबार, बैशाख ३१, २०७१
उभौली पर्वको रौनक (दश तस्वीर)
शब्द/तस्वीरः बिक्रम राई
किरात (राई, लिम्बू, याक्खा, सुनुवार) समुदायले मनाउने उभौली पर्व शुरु भएको छ । बैशाख पूर्णिमाको दिनदेखि शुरु हुने उभौली पर्व किरात समुदायले मनाइरहेका छन् ।
बालिनाली लगाउने समयमा मनाइने यो पर्वमा प्रकृति, देविदेउता र भूमीको पूजा गर्ने चलन छ । यो पर्वमा बालिनाली सप्रियोस्, अन्नबालीमा किराफट्याङ्ग्रा नलागोस्, प्रकृतिले सहकाल देओस् भन्दै इष्ट देउतासँग पूजा र प्रार्थना गरिन्छ ।
किरात समुदायले यो पर्वमा प्रकृतिको पूजासँगै मौलिक संस्कृति झल्काउने पोशाकमा सजिने, मीठो खाने, इष्टमित्र, छिमेकीलाई बोलाई मीठा परिकार खुवाउने, नाँचगान तथा शुभकामना आदानप्रदान गर्ने गर्छन् ।
उभौली पर्वको अवसरमा राजधानीसहित किरात समुदायको बसोबास रहेको क्षेत्रमा विशेष कार्यक्रम हुँदैछन् ।
उभौली पर्वको अवसरमा राजधानीमा देखिएको केही झलकहरुः
किरात समुदायले उभौली र उधौली गरी दुई पर्व मनाउँछन् । बैशाख पूर्णिमामा उभौली र मंसीर पूर्णिमामा उधौली पर्व मनाइन्छ । पर्वको अवसरमा किरात समुदायले मौलिक नाँचगान र झाँकी प्रदर्शन पनि गर्छन् ।