धनगढीमा ४ जेठमा भएको एनपीएल क्रिकेट प्रतियोगितामा कलर्सले सगरमाथा लेजेण्ड्सलाई ४ विकेटले हराएको हो । सगरमाथाले दिएको १०६ रनको लक्ष्य २७.३ ओभरमै ६ विकेटको क्षतिमा कलर्सले भेट्टायो ।

तस्वीरः दीपेन्द्र सापकोटा

उसका लागि कप्तान ज्ञानेन्द्र मल्लले सर्वाधिक ३६, नट आउट रहेका हरिशंकर ३३, फैजल र सुवास प्रधानले समान १३/१३ तथा सिद्धान्त लोहनीले नटआउट ९ रन बनाए ।

सगरमाथाका लालबहादुर अधिकारी र राहुल विश्वकर्माले १/१ विकेट लिए भने निश्चल पाण्डेले ४ विकेट लिए पनि जीतका लागि पर्याप्त भएन ।

टस जितेर पहिले ब्याटिङ्ग गरेको सगरमाथाले ३८.३ ओभरमै सबै विकेट गुमाएर १०५ रन मात्र बनायो । फितलो ब्याटिङ्ग गरेको सगरमाथाका लागि राहुल विश्वकर्माले २२ र परेश लोहनीले १८ रन बनाउनु बाहेक कुनै पनि खेलाडीले दोहोरो अंकको रन बनाउन सकेनन् । उनीहरु कलर्सका बलरसामु निरीह देखिए ।

सगरमाथालाई सस्तैमा समेट्न कलर्सका बलरले महत्वपूर्ण भुमिका खेले । कलर्सका लागि संजम रेग्मीले ३, हरिशंकर साह, कुमार थापा र राज मोहम्मदले २/२ र फैजल खानले १ विकेट लिए ।
महत्वपूर्ण २ विकेट लिँदै नटआउट ३३ रन बनाएका कलर्सका हरिशंकर साह म्यान अफ दी म्याच भए ।

———————————————————————————————————————————————-

महेन्द्रनगरमा जगदम्बाको जीत

महेन्द्रनगरमा ४ जेठमा भएको खेलमा जगदम्बा जाइन्टले विशाल वारियर्सलाई ६ विकेटले हराएको छ ।

प्रतियोगिताअन्तर्गत ५ जेठमा धनगढीमा जगदम्बा जाइन्ट्स तथा कान्तिपुर गोर्खाज र महेन्द्रनगरमा पञ्चकन्या तेज र कलर्स एक्स फ्याक्टर्सकाबीच खेल हुनेछ ।

दीपेन्द्र सापकोटा, धनगढी

प्रतिकृया दिनुहोस