बारा, भवानीपुर जीतपुर गाविस–२ बकुलियास्थित भट्टीटोलमा एक जनाले आफ्नै वृद्धा सासुको हत्या गरेका हुन् । बारा, इनर्वासिरा गाविस–२ घर भएका ४५ वर्षीय वासुदेव चौधरीले ४ जेठ बिहान ९ बजेतिर बन्चरो प्रहर गरी सासुको हत्या गरेका हुन् ।

मृतक भंगियादेवीको घर । तस्वीरः श्याम गुप्ता

बन्जरो प्रहारबाट ६० वर्षीया भगियादेवी चौधरीको मृत्यु भएको छ । कोठामा सुतिरहेको अवस्थामा उनले सासुमाथि बन्चरो प्रहार गरेका हुन् ।

सासुको हत्या गरेर भाग्न लाग्दा गाउँले महिलाले उनलाई समातेर राखे पनि उनी उम्किएको इलाका प्रहरी कार्यालय जीतपुरका प्रहरी नायव निरीक्षक अरुणकुमार कुशवाहाले जानकारी दिए । उनले हत्याराको खोजी कार्य भइरहेको बताए ।

ससुरालीमा साता तथा जेठान कोही पनि नभएकाले सबै जायजेथा आफ्नो नाममा गर्न उनले पटक–पटक दबाब दिँदै आएको बुझिएको छ । तर, सासुले भने सम्पत्ति ज्वाईंको नाममा गर्न इन्कार गर्दै आएकी थिइन् ।

उनले आफ्ना चार जना छोरीलाई नै बराबर जायजेथा बाँडिदिने बताउँदै आएकी थिइन् । उनकी माइली छोरीकी श्रीमान् वासुदेव चौधरी विहेपछि नै ससुराली घरमा बस्दै आएका थिए ।

श्याम गुप्ता, बारा

प्रतिकृया दिनुहोस