थप समाचारमंगलबार, जेठ ६, २०७१
नवलपरासी र तनहूँमा भएका दुर्घटनामा दुईको मृत्यु
नवलपरासीको तम्सरिया–१ चोरमारामा ६ जेठ बिहान भएको सवारी दुर्घटनामा स्थानीय २ बर्षीय बालक कृष्ण थनेतको मृत्यु भएको छ । चोरमारा प्रहरीको सामान बोकेर चोरमाराबाट झ्यालबास जांदै गरेको लु १ च २४४५ नम्बरको महेन्द्रा जीपले ठक्करबाट उनको घटनास्थलमै मृत्यु भएको हो ।
बालकले सडक पार गर्ने क्रममा जीपले ठक्कर दिएको थियो ।
यस्तै, तनहूँको दुलेकौडा–३ मा भएको सवारी दुर्घटनामा एक जनाको मृत्यु भएको छ । जिल्ला ट्राफिक कार्यालय तनहूँका प्रहरी जवान अर्जुन अधिकारीका अनुसार पोखराबाट दमौलीतर्फ जांदै गरेको ना ४ ख ९५०७ नम्बरको भाडाको बसको ढोकाबाट खस्दा कास्की, रुपाकोट–२ का ३५ बर्षीय निरबहादुर थापाको मृत्यु भएको हो ।
५ जेठ राति बसको ढोकाबाट खसेर गम्भीर घाइते उनको ६ जेठ बिहान न्यूरो अस्पताल काठमाडौंमा मृत्यु भएको हो ।