दाङ, तुलसीपुर नगरपालिका–६ गुम्राह चोकबाट ब्राउन सुगरसहित दुई जनालाई पक्राउ गरेको प्रहरीले जनाएको छ । गुम्राह चोकबाट ४ जेठमा पक्राउ परेका उनीहरुलाई प्रहरीले ६ जेठमा सार्वजनिक गरेको छ ।

पक्राउ पर्नेमा नारायणपुर–१ म बस्ने रुपन्देही, धबदही–६ का १८ वर्षीय मधुसुदन सिंह र घोराही नगरपालिका–१० का १७ वर्षीय सौरभ बस्नेत छन् । उनीहरुको साथबाट ६.२ ग्राम ब्राउन सुगर फेला परेको इलाका प्रहरी कार्यालय तुलसीपुरले जनाएको छ ।

तस्वीरः देविका घर्ती मगर

उनीहरुलाई लागूऔषध ओसारपसार ऐन अन्तर्गत कारबाही हुने प्रहरी नायव उपरीक्षक तुलबहादुर कार्कीले बताए ।

यसैबीच, प्रहरीले मोबाइल पसलमा चोरी गरिरहेको अवस्थामा एक जनालाई पक्राउ गरेको छ । दाङ, उरहरी–५ हस्तपुरका २१ वर्षीय भुपेन्द्र वलीलाई ५ जेठ राति पक्राउ गरी प्रहरीले ६ जेठमा सार्वजनिक गरेको छ ।

देविका घती मगर, दाङ

प्रतिकृया दिनुहोस