तस्वीर सौजन्यः विनोद शाही

बाँके, कोहलपुर–८ की एक महिलालाई प्रहरीले ७ जेठ राति पक्राउ गरेको हो । सुराकीका आधारमा कोहलपुर–८ की ३५ वर्षीया पार्वती शर्मालाई छिन्चु—७ चमेरेचौरबाट पक्राउ गरेको प्रहरीले जनाएको छ ।

यसअघि ४५ किलो चरेस भारत निर्यात गरेको सूचना पाएको प्रहरीले उनलाई केही समयदेखि निगरानीमा राखेको थियो । ७ जेठमा बरामद गरेको चरेस केही दिन अघि उनले सल्यानको सल्लीबजारबाट छिन्चु पुर्‍याएकी थिइन् ।

छिन्छुबाट कोहलपुरतिर लैजान लाग्दा नक्कली खरिदकर्ता बनेर गएको प्रहरीले उनलाई पक्रेको सुर्खेतका प्रहरी उपरीक्षक प्रकाश अधिकारीले जानकारी दिए ।

उनलाई लागूऔषध नियन्त्रण ऐन अनुसार कारबाही गरिने प्रहरीको भनाइ छ । ऐनमा १० किलोभन्दा माथिको लागूऔषधसहित पक्राउ परेमा दुईदेखि १० वर्षसम्म कैद र रु.१५ हजारदेखि रु.१ लाखसम्म जरिवाना हुने व्यवस्था छ ।

तुफान न्यौपाने, नेपालगञ्ज

प्रतिकृया दिनुहोस