नायक हमाल १० जेठमा आफ्नी प्रेमिका मधु भट्टराईसँग वैवाहिक जीवनमा बाँधिने भएका हुन् । परिवारका सीमित सदस्यको उपस्थितिमा हमालले विवाह गर्ने तयारी गरेका छन् ।

हमालका निकट सहयोगी समेत रहेका निर्देशक रोशन हमालले १० जेठमै नायक हमालले विवाह गर्न लागेको बताए । हिन्दु परम्परा अनुसार हुने विवाहको स्थान भने गोप्य राखिएको छ ।

विवाहमा उनका घनिष्ट साथिभाई र परिवारभित्रका व्यक्ति मात्र हुनेछन् । विवाहमा मिडियालाई बन्देज लगाइएको निर्देशक रोशनले बताए ।

हमालका श्रीमती मधुको परिवारले गोप्यता खोजेपछि हमालको विवाह गोप्य रुपमा हुन लागेको हो ।

यसअघि हमाले १४ जेठमा विवाह गर्ने बताइएको थियो । हमालले पूर्व मोडल मधुसँग ३१ बैशाखमा होटल शंकरमा इन्गेजमेन्ट गरेका थिए । नौ वर्षको प्रेम सम्बन्धपछि उनीहरु विवाह बन्धनमा बाँधिन लागेका हुन् ।

प्रतिकृया दिनुहोस