पश्चिमाञ्चल सिँचाइ डिभिजन कार्यालय कपिलवस्तुले जगदीशपुर तालको पश्चिमतर्फको फाटक मर्मत गर्न भन्दै पानी सुकाएपछि तालका जलचरको अस्तित्व सङ्कटमा परेको छ । ताल सुकाउँदा त्यहाँ रहेको जैविक विविधता नष्ट हुन गई ताल सिमसारबाट हट्न सक्ने जगदीशपुर जलायशय बहुसरोकार मञ्चले चिन्ता व्यक्त गरेको छ ।

पानी सुकाउँदा तालमा रहेका संरक्षित एवम् लोपोन्मुख प्रजातिका चराचुरुङ्गी, कछुवा, सरिसृप तथा माछा धमाधम मर्न थालेका छन् । पानी सुक्नासाथ केही स्थानीयवासीले तालभित्र पसी माछा मार्नसमेत शुरु गरेको हुँदा तालको जैविक विविधता नष्ट हुने र सिमसार सङ्कटमा पर्ने स्थानीयवासी सुन्दर पाण्डेयले बताए ।

जगदीशपुर ताल सिँचाइको प्रयोजनका लागि निर्माण गरिएको हँुदा प्रमुख प्राथमिकता जलचरको संरक्षण नभएको डिभिजन सिँचाइ कार्यालयल इन्जिनियर रामकृष्ण घोरासैनीले बताए । “तालको मूल नहरकोे फाटक जीर्ण भएको हँुदा मर्मत अनिवार्य भएकाले ताल सुकाउनुपरेको हो”उनले भने ।

जगदीशपुर ताल संरक्षण समिति, जगदीशपुर ताल बहुसरोकार मञ्चलगायत संस्थाले तालको जैविक विविधता कायम राख्न तत्काल फाटक बन्द गरी तालमा पानी भर्नुपर्ने माग राखेका छन् ।
रासस

प्रतिकृया दिनुहोस