थप समाचारमंगलबार, जेठ १३, २०७१
बस दुर्घटनामा २२ जना घाइते
नवलपरासीको वर्दघाटमा बस दुर्घटना परी घाइते भएकामध्ये २२ जनामध्ये आठ जनाको अवस्था गम्भीर रहेको इर््लाका प्रहरी कार्यालय बर्दघाटले जनाएको छ ।
धनगढीबाट बाट काठमाडौका लागि छुटेको ना ३ ख २०१२ नम्वरको बस तीब्रगतिका कारण अनियन्त्रित भई सडकबाट तल खसेको प्रहरीले जनाएको छ ।
घाइतेहरुको लुम्बिनी अञ्चल अस्पताल बुटवलमा उपचार भइरहेको प्रहरी निरीक्षक बेनीमाधव पौडेलले जानकारी दिए ।
घाईतेमध्ये कैलाली टीकापुर– ९ का ३५ बर्षीय सरस्वती शर्मा, २७ बर्षीय नरेश चौधरी, २१ बर्षीय मनोज स्वाँर, २३ बर्षीय बविता स्वाँर, ५७ बर्षीय सूर्यनाथ खनाल, ४० बर्षीय तेजप्रसाद शर्मा र टीकापुर– ४ का २१ बर्षीय रुप बहादुर शाहीको लुम्बिनी अञ्चल अस्पताल बुटवलमा उपचार भइरहेको छ भने टीकापुर– ९ का ८ बर्षीय बालक पविराम सिंजालीलाई थप उपचारका लागि काठमाण्डौ लगिएको छ ।
विद्रोही गिरी, नवलपरासी