खेलकुदसोमबार, जेठ १९, २०७१
पारस खड्का वर्ष खेलाडी
नेपाली क्रिकेट टीमका कप्तान खड्काले क्रिकेटकै सुवास खकुरेल, वसन्त रेग्मी, गल्फका शिवराम श्रेष्ठ र एथलेटिक्सका यामसाजन सुनारलाई पछि पार्दै पुरुषतर्फको उत्कृष्ट वर्ष खेलाडी घोषित भएका हुन् । नेपाल खेलकुद पत्रकार महासंघले आयोजना गरेको १२ औं ‘पल्सर स्पोर्टस् अवार्ड’ समारोहमा जुडोकी सरिता बोहरा महिलातर्फ उत्कृष्ट वर्ष खेलाडी चुनिइन् ।
यस्तै, लोकप्रिय खेलाडीको अवार्ड भलिबलकी सरस्वती चौधरीले जितिन् । वर्षको उत्कृष्ट युवा खेलाडीको उपाधि भने राष्ट्रिय फूटबल टीम स्ट्राइकर बिमल घर्ती मगरले हात पारे ।
राष्ट्रिय क्रिकेट टीमका मुख्य प्रशिक्षक पुबुदु दसानायके उत्कृष्ट प्रशिक्षक ठहरिए । नेपाली क्रिकेट टीमलाई ‘टीम अफ दी इयर’ प्रदान गरियो ।
लाइफटाइम अचिभ्मेन्ट अवार्ड म्याराथन धावक बैकुण्ठ मानन्धरले पाए । वर्षका पारा एथलेटको उपाधि पारा तेक्वान्दो खेलाडी यादव कुँवरलाई प्रदान गरियो ।
दीपेन्द्र सापकोटा, काठमाडौं
प्रतिकृया दिनुहोस
ताजा अपडेट
हिमालखबर जनमत
