रमेशराज भट्टराईले गाएको मुटुमै छौ माया‍‍‍‍‍‍‍‍‍‍‍‍‍………. गीतमा नायक हमाल छमछम नाचेपछि तीजको रमाइलो मान्न आएका महिलाहरु पनि स्टेजमै गएर नाच्न थालेपछि उनीहरुलाई हटाउन आयोजकले निकै गाह्रो पर्‍यो । आयोजक निरौलाले भनिन्, ‘राजेश दाइले नाच्दा केही समय त निकै गाह्रो भयो, खासमा नेपाल टेलिभिजनबाट प्रत्यक्ष प्रसारण पनि भएकाले कार्यक्रममा भीड नियन्त्रण गर्न हम्मे पर्‍यो ।’

हमाल त्यसअघि तीज मान्न आएका महिलाहरु नाचेको देखेर निकै मनोरन्जनको मुन्द्रामा देखिन्थे । उनले नाच्नेहरुलाई ताली बजाउँदै साथ दिएका थिए । धेरै सेलीब्रेटीहरुको उपस्थिति रहेको कार्यक्रममा वसुन्धरा भुषाल, राधा लम्साल भावु, रेजिना उप्रेती, शंकर विसी, सम्झना बुढाथोकी, लक्ष्मी गिरी लगायतले नाचेर दर्शकलाई मनोरन्जन दिए ।

तस्बीरहरुः ऋषिराम कट्टेल/हिमालखबर

त्यसो त तीजमा दर खान सहभागी भएका अरु महिलाहरु जोसिदै उनीहरुसँगै नाच्दा कार्यक्रममा छुट्टै रौनकता छाएको थियो । कार्यक्रममा आरपी भट्टराई, शिव हमाल, रमेशराज भट्टर्राई, माण्डवी त्रिपाठी, निशा सुनार लगायतले गत गाए । मनोज गजुरेल र शैलेन्द्र सिंखडाको हाँस्य प्रस्तुति हेर्न लायक थियो । कार्यक्रममा विभिन्न क्षेत्रबाट योगदान पुर्‍याउने ५ जनालाई सम्मानसमेत गरियो ।

कार्यक्रममा समाजसेवी दिलशोभा श्रेष्ठ, डा. अरुणा उप्रेती, एचआइभी संक्रमित भई एचआइभीकै क्षेत्रमा काम गर्दै आएकी गोमा राई, अपांगतासम्बन्धी काम गर्दै आएका तथा अपांगता भएका भीमा खतिवडा र गंगा रायमाझीलाई जनही ११ हजार १ सय ११ रुपैयाँसहित सम्मान गरिएको थयो । कार्यक्रममा हाँस्य कलाकारहरु किरण केसी, राजाराम पौडेल, दिपकराज गिरी, सीताराम कट्टेल, नायिका निशा अधिकारी लगायतको सहभागिता थियो ।

प्रतिकृया दिनुहोस