Warning: mysqli_query(): (HY000/1194): Table 'hk_wfHits' is marked as crashed and should be repaired in /home/mysites/repo/himalkhabar/himalkhabar/wp-includes/wp-db.php on line 2056

WordPress database error: [Table 'hk_wfHits' is marked as crashed and should be repaired]
SELECT MAX(attackLogTime) FROM hk_wfHits


Warning: mysqli_num_fields() expects parameter 1 to be mysqli_result, boolean given in /home/mysites/repo/himalkhabar/himalkhabar/wp-includes/wp-db.php on line 3403
अमेरिकामा डम्फु साँझ - Himalkhabar.com

रमझमबुधबार, जेठ २८, २०७१

अमेरिकामा डम्फु साँझ

हिमालखबर

तामाङ सोसाईटी अफ अमेरिकाको आयोजनामा भएको डम्फु साँझ-२०१४ मा तामाङ मौलिक संस्कार र संस्कृतीका केही पाटाहरु प्रस्तुत गरिएका थिए ।

कार्यक्रममा मंगोलियन हर्टका राजु लामा र स्थानिय सञ्जोक योञ्जन लगायतले तामाङ सेलोमा दर्शकलाई नचाए भने अन्य स्थानिय कलाकारहरुले सेलोमा नाचेर भरपुर मनोरञ्जन गराए ।

क्यालिफोर्नियाबाट आएका युवा गायक बुस्येन लामाले “मेरो नेपालमा” बोलको गीत गाएर युवाहरुलाई नेपाल सम्झाए । सूर्य तामाङले तामाङहरुको परम्परागत झाँक्री नाचलाई नेपालको सँविधान लेखनसँग जोडेर ब्यङगत्मक प्रस्तुत गरे । जसमा बिरामी (जनता) निको पार्नलाई ६ सय १ जना झाँक्रीहरु मिलेर सँबिधान भन्ने एउटा किताब तुरुन्तै लेख्नु पर्ने जोखना (भविश्यबाणी) देखेको प्रस्तुती थिए ।

गोपाल नेपाल (फिस्टे) का साथमा सेन्थुन लामाले र एकल रुपमा नन्दु लगुनले प्रहशन प्रस्तुत गरी दर्शकलाई मज्जाले हँसाए ।

आयोजक सँस्थाका कार्यबाहक अध्यक्ष फुर्वा घिसीङको सभापतित्वमा सम्पन्न उक्त कार्यक्रममा प्रमुख अतिथी कोर्नेल बिश्वबिध्दालयका प्राध्यापक डा. क्याथ्रिन मार्च र उनका श्रीमान प्राध्यापक डा. डेबिट ह्याम्बर्ग थिए । साथै पूर्व राजदुत मधुरमण आचार्य लगायतका अतिथि उपस्थित थिए ।

मार्च र ह्याम्बर्गले तीन दशक अघि तामाङ जाति सम्बन्धी बिभिन्न खोज, अनुसन्धान र अध्यायन गरी बिध्दा वारिधी गरेका छन् र तामाङ मौलिक सँस्कार र संस्कृतीको जगेर्नामा क्रियाशील छन् । उनीहरु दुबैजनाले तामाङ भाषामै मन्तब्य दिएका थिए ।

मन्तब्यमा मार्च र ह्याम्बर्गले तामाङ सोसाईटी अफ अमेरिकाको निर्माणाधिन तामाङ सांस्कृतिक तथा बुद्धिष्ट केन्द्रको लागि आफुहरुले बर्षौंदेखि संकलन गरेका सामाग्रीहरु प्रदान गर्ने बताए ।

आफ्नो मौलिक परम्परा र संस्कृती संरक्षणको लागि संस्थाले आयोजना गर्दै आएको विविध् रचनात्मक कार्यहरुको प्रशंसा समेत उनीहरुले गरे । मौलिक तामाङ पहिरनमा उपस्थित उनीहरुले उपस्थित अधिकाँश तामाङ समुदायले आफ्नो मौलिक पहिरन लगाउन समेत सुझाए ।

कार्यक्रममा संस्थाका संस्थापक अध्यक्ष सुवास लामाले स्वागत मन्तब्य राख्दै अमेरिकामा सन २००२ मा सँस्थाको बिधिवत दर्ता भए देखि नै प्रत्येक दुई बर्षको अन्तरालमा डम्फु साँझ प्रस्तुत हुँदै आएको बताए ।

पूर्व अध्यक्ष एवं तामाङ सांस्कृतिक तथा बुद्धिष्ट केन्द्र निर्माण समितिका संयोजक इन्द्र बहादुर तामाङ र आदिवासी जनजाति महासंघ अमेरिकाका अध्यक्ष लुईसाङ वाईबा लगायतले मन्तव्य राखेका थिए ।

संस्थालाई स्थापनाकालदेखि विविध् क्षेत्रबाट सहयोग गर्ने पाँच जनालाई बिशेष सम्मान समेत गरिएको थियो । सम्मान हुनेहरुमा कलाकार शिशिर श्रेष्ठ, रमेश गुरुङ, माया लामा शेर्पा, नर बहादुर दाहाल र जिम्बा थिङ (जेम्स) रहेका छन् । सम्मानित सबैलाई कदर पत्रद्धारा सम्मान गरिएको थियो ।
– ङिमा पाख्रिन, न्युयोर्क, अमेरिका

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>