विश्वकप फूटबलको पहिलोचरणअन्तर्गत ९ असार बिहान भएको अमेरिकाविरुद्धको खेलमा पोर्चुगलका सिल्भेस्त्रे भरेलाले अन्तिम ३० सेकेन्डमा गोल गरेका हुन् । उनको गोलसँगै खेल बराबरीमा टुंग्याएर पोर्चुगलले दोस्रो चरणको संभावना कायमै राखेको छ ।

२–१ गोलले पछि परेको अवस्थामा खेल सकिनु ३० सेकेन्डअघिको गोलले अमेरिका पोर्चुगलसँग अंक बाड्न बाध्य भयो । कप्तान क्रिष्टियानो रोनाल्डोको क्रम पासमा भरेलाले सुन्दर हेडमार्फत् गोल गरेका हुन् ।

इन्टरनेट तस्वीर

खेलको पाँचौं मिनेटमै अमेरिकीको कमजोर रक्षापक्तिको फाइदा उठाउँदै पोर्चुगलका नानीले गोल गरेका थिए न । तर, ६४ औं मिनेटमा अमेरिकाका जर्मेन जोन्सले बराबरी गोल गरे । ८१ औं मिनेटमा कप्तान क्लिन्ट डेम्प्सीले गोल गरेर अमेरिकालाई अग्रता दिलाएका थिए ।

बराबरीमा गोलसँगै पोर्चगुल र अमेरिकाले एक–एक अंक बाडे । त्योसँगै अमेरिकाको अंक चार र पोर्चुगलको एक अंक भएको छ । समूह जी को जर्मनीको ४ र घानाको एक अंक छ । अंकतालिका अनुसार चारवटै टीमको दोस्रो चरण प्रवेशको संभावना कायमै छ ।

पहिलोचरणको अन्तिम खेलमा जर्मनी र अमेरिका तथा पोर्चुगल र घाना भिड्दैछन् । जर्मनी र अमेरिकाले बराबरी मात्र खेले पनि दुवै टीम दोस्रो चरणमा पुग्नेछन् । जर्मनी र अमेरिकाबीच जीतहार भएको अवस्थामा बढी गोलसहित जीत हात पार्ने पोर्चुगल तथा घानामध्ये एकको पनि अर्को चरणमा पुग्ने संभावना रहन्छ ।

प्रतिकृया दिनुहोस