तस्वीरः ईश्वरचन्द्र झा

एमाओवादी नेता भट्टराईले पार्टीभित्रको अन्तरद्वन्द्व व्यवस्थापन हुन नसक्दा उपनिर्वाचनमा हार व्यहोर्नुपरेको बताएका हुन् । जनकपुरमा ११ असार बिहान भएको पत्रकार सम्मेलनमा उनले पार्टीभित्रको अन्तरद्वन्द्व व्यवस्थापन गर्न नसके एमाओवादीप्रतिको आकर्षण अझै खस्किदैं जाने दावी गरे ।

”पार्टीभित्रको अन्तरद्वन्द्व व्यवस्थापन गरेर समावेशी लोकतन्त्र र संघीयतासहितको संविधान निर्माण गर्न नसके पार्टीमा आकर्षण नै रहदैन,” उनले भने । उनले पार्टीभित्र देखिएको अन्तरद्वन्द्व व्यक्तिगत नभएर वैचारिक भएको जिकिर गरे ।

उनले भने, “समान विचार भएका कम्युनिष्ट नेताहरुलाई एकीकृत गरेर नयाँ शक्तिको पुनरजन्म गर्नुपर्ने अहिलेको आवश्यकता हो ।”

उनले तोकिएको ८ माघभित्र संविधान जारी हुने पनि दावी गरे । उनले समयभित्र संविधान जारी गर्न अहोरात्र काम भइरहेको बताए ।

ईश्वरचन्द्र झा, जनकपुर

प्रतिकृया दिनुहोस