स्विटजरल्याण्ड भर्सेस होण्डुरस । तस्वीर: एएफपी

११ असारमा भएको खेलमा स्विटजरल्याण्डले होण्डुरसलाई ३–० ले हराएर अन्तिम १६ मा आफ्नो स्थान पक्का गरेको छ भने यसै समूहको अर्को खेलमा इक्वेडरलाई गोलरहित बराबरीमा रोकेर फ्रान्स पनि अन्तिम १६ मा उक्लेको छ ।

खेल अवधिभर होण्डुरसमाथि दबाब बनाएको स्विटजरल्याण्डका जेरदान शकिरीले खेलको छैटौं, ३१ औं र ७१ औं मिनटमा गोल गरेर ह्याट्रिक गरे ।

स्विटजरल्याण्डले आफ्नो पहिलो खेलमा इक्वेडोरलाई २–१ ले हराएको थियो भने दोस्रो खेलमा फ्रान्ससँग ५–२ ले हारेको थियो ।

यो समूहमा फ्रान्सले दुई जीत र एक बराबरी खेलेर ७ अंक बटुल्दै शीर्षस्थानमा रहेको छ ।

अब नकआउट चरणमा फ्रान्सले नाइजेरियाको सामना गर्नु पर्ने छ भने स्विटजरल्याण्ड अर्जेन्टिनासँग भिड्ने छ ।

पाँचवटा दक्षिण अमेरिकी देश अर्को चरणमा पुगेको यो विश्वकपमा इक्वेडोर भने पहिलो चरणमै बाहिरिने एक्लो दक्षिण अमेरिकी टिम भएको छ ।

प्रतिकृया दिनुहोस