खेलकुदशुक्रबार, आषाढ १३, २०७१

जितेर पनि बाहिरियो पोर्चुगल

हिमालखबर

पोर्चुगलका कप्तान एवम् फरवर्ड खेलाडी क्रिस्टियानो रोनाल्डो घानासँगको खेलपछि । तस्वीरः एएफपी

ब्राजिलमवा जारी विश्वकपमा १२ असारमा भएको खेलमा पोर्चुगलले घानालाई २–१ ले हरायो भने अमेरिका जर्मनीसँग १–० ले पराजित भए पनि दोस्रो चरणमा प्रवेश गरेको छ ।

जर्मनी दुई जीत र एक बराबरी खेलेर ७ अंक जोड्दै समूहको शीर्षस्थानमा रह्यो । अमेरिका र पोर्चुगल दुवैको समान ४ अंक भए पनि अमेरिका गोल औषतका आधारमा दोस्रो स्थानमा रहँदै अन्तिम १६ मा पुग्न सफल भयो ।

जर्मन खेलाडी थोमस मुलरले खेलको ५५ औं मिनटमा अमेरिकाविरुद्ध गोल गरेपछि जर्मनीले १–० ले खेल जित्यो ।
अमेरिकाले समूह चरणको प्रतियोगितामा ४ गोल ग¥यो भने उसकाविरुद्ध ४ गोल भयो ।

पोर्चुगलले भने ४ गोल गरे पनि सात गोल खाएको हुँदा गोल औषतका आधारमा अर्को चरणमा उक्लन सकेन । अर्को चरणमा पुग्न पोर्चुगलले घानालाई ६–१ को अन्तरले हराउनु पथ्र्यो ।

पोर्चुगलले घानालाई २–१ ले हरायो । उसको यो जीतका लागि विश्वकै राम्रामध्येका खेलाडी क्रिस्टियानो रोनाल्डोले ८० औं मिनटमा गरेको गोल निर्णायक रह्यो । यसअघि पोर्चुगलका तर्फबाट ३१ औं मिनटमा बोएले एक गोल गरेका थिए ।
पोर्चुगल फिफा बरियताक्रममा चौथो नम्बरको टिम हो ।

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...