आयोगको २२ औं बार्षिक प्रतिवेदन सार्वजनिक गर्न ३१ भदौमा राजधानीमा आयोजित कार्यक्रममा सचिव काफ्लेले एमाओवादी पार्टीले नै छानविन गरिरहेकाले आयोगले केही नगर्ने बताएका हुन । जसले भ्रष्टाचार गरेको छ उसैले छानविन गर्न पाउँछ ? भन्ने संवाददाताहरुको प्रश्नमा काफ्लेले भने, ‘देशको जिम्मेवार पार्टीले जिम्मेवार ढंगले अनुसन्धान गरिरहेको छ । हामीले अहिल्यै केही पनि गर्दैनौं ।’

एमाओवादीले अनुसन्धान नै नगरे वा चित्त नबुझे मात्रै अख्तियारले छानविन गर्न सक्ने काफ्लेले बताए । माओवादीलाई अहिले शंकाको लाभ दिनुपर्ने उनको भनाई थियो ।

सरकारमा बसेको पार्टी भएकाले एमाओवादीले भ्रष्टाचारको प्रमाण कुनै हालतमा नष्ट नगर्ने काफ्लेको विश्वास थियो । जनताले कर तिरेको पैसा अर्बौं भ्रष्टाचार भएको विषयमा काफ्लेले भने, ‘अहिल्यै छानविन गर्न केको हतार ?’

प्रतिकृया दिनुहोस