सप्तरीको मल्हनियाँ–२ का ५० वर्षीय रामेश्वर यादवले आफ्ना भाई कामेश्वरकी पत्नी रीतादेवी र छोरा १२ बर्षीय मनिष यादवको हत्या गरेका छन् ।

प्रहरीका अनुसार घरभित्रै बसिरहेका आमा छोरालाई भाई कामेश्वर घरमा नभएको मौका पारी रामेश्वरले २२ असार बिहान ११ बजे कोदालो र बञ्चरो प्रहार गरी हत्या गरेका हुन् ।

हत्याको कारण खुल्न नसके पनि अंश विवादका कारण हत्या भएको हुनसक्ने प्रहरीको अनुमान छ ।

प्रहरीले रामेश्वरलाई नियन्त्रणमा लिएको छ भने मृतकको शवलाई पोष्टमार्टमका लागि सगरमाथा अञ्चल अस्पताल राजविराज लगिएको छ ।
श्रवणकुमार देव, सप्तरी

प्रतिकृया दिनुहोस