इलाका प्रहरी कार्यालय सिमराको टोलीले गढीमाई– ७ मा ना १२ प ९६५ नं. को मोटरसाइकलमा सवार दुई व्यक्तिलाई शंका लागि जाँच गर्दा उनीहरुसँग १ लाख ५० हजारको नक्कली रुपैयाँ बरामद गरेको छ ।

प्रहरीले पर्सा बैरियाविर्ता–३ का ३४ वर्षीय रामदयाल ठाकुरसँग १ हजारको ५० थान र भारत विहार घरभई गढीमाई–७ मा बस्ने ५० वर्षीय महम्मद मुस्तकीम मियाँका साथबाट पनि १ हजारको ५० थान नक्कली नोट बरामद गरेको हो ।

प्रहरी उपरीक्षक ईश्वरबाबु कार्कीका अनुसार ठाकुरको घरमा खानतलासी गर्दा थप ५० हजारको नक्कली नोट फेला परेको थियो ।

ठाकुर संविधानसभामा ‘यथार्थवादी पार्टी’ का तर्फबाट समानुपातिकतर्फ का उम्मेदवार थिए ।

पक्राउ परेका दुबै जनालाई जिल्ला प्रहरी कार्यालय बारामा राखी थप अनुसन्धान भै रहेको प्रहरी निरीक्षक रामनाथ घिमिरेले जानकारी दिए ।
श्याम गुप्ता, बारा

प्रतिकृया दिनुहोस