थप समाचारबिहीबार, आषाढ २६, २०७१
एमाले महाधिवेशन: २७ असारमा निर्वाचन
राजधानीमा जारी एमाले नवौं महाधिवेशनमा २७ असार बिहान ८ बजेदेखि साँझ ६ बजेसम्म मतदान हुने केन्द्रीय निर्वाचन आयोगले जनाएको छ ।
निर्वाचन आयोगले सार्वजनिक गरेको निर्वाचन कार्यक्रम अनुसार २६ असारमा उम्मेदवारी दर्ता, दाबी बिरोध र अन्तिम नामावली प्रकाशन हुनेछ ।
बिहान १० बजेदेखि दिउँसो २ बजेसम्म उम्मेदवारी मनोनयन दरखास्त दिने समय तोकिएको आयोगका अध्यक्ष सोमनाथ अधिकारी प्यासीले जानकारी दिए । उनका अनुसार २६ असार साँझ ७ बजे उम्मेदवारको अन्तिम नामावली प्रकाशन हुनेछ ।
आयोगले मतदाता नामावली २६ असार बिहान ७ बजे प्रकाशन गरिसकेको छ । केन्द्रीय निर्वाचन आयोगले ३१ बुँदे निर्वाचन आचारसंहिता पनि जारी गरेको जनाएको छ ।
नेतृत्वका लागि एमाले वरिष्ठ नेता माधवकुमार नेपाल र संसदीय दलका नेता केपी शर्मा ओलीको समूहबीच प्रतिस्पर्धा हुँदैछ ।